गडचिरोली जिल्हयातील सर्व रेशनकार्ड धारकांना सुचना
गडचिरोली,(जिमाका)दि.02 :- गडचिरोली जिल्हयातील सर्व रेशनकार्ड धारकांना सुचित करण्यात येते की, अन्न नागरी पुरवठा व ग्राहक संरक्षण विभागाच्या दिनांक 22 डिसेंबर 2020 अन्वये पात्र शिधापत्रिका धारकांना मोबाईल क्रमांक व आधार सिडींग जोडण्याची कार्यवाही दिनांक 31 जानेवारी 2021 पर्यंत निर्देश देण्यात आले होते.
परंतु अन्न नागरी पुरवठा व ग्राहक संरक्षण विभागाच्या दिनांक 29 जानेवारी 2021 अन्वये जिल्हयातील आधार सिडींगचे प्रमाण पाहता धान्याचे मासिक वाटप करतेवेळी ई-पास उपकरणाद्वारे रास्तभाव दुकानदार यांच्यामार्फत शिधापत्रिकेतील लाभार्थ्यांच्या आधार व मोबाईल क्रमांकाचे सिडींग दिनांक 10 फेब्रुवारी 2021 पुर्वी करण्याबाबत कळविण्यात आले आहे. दिनांक 10 फेब्रुवारी ,2021 पर्यंत आधार सिडींग न झालेल्या लाभार्थ्यांना अनुज्ञेय होणारे धान्य पुढील महिन्यापासुन आधार सिडींग होईपर्यंत निलंबित करण्यात येईल .
करीता जिल्हयातील आधार क्रमांक व मोबाईल क्रमांक शिधापत्रिकेशी लिंक न झालेल्या लाभार्थ्यांना आवाहन करण्यात येते की, त्यांना नेमुन दिलेल्या स्वस्त धान्य दुकानात जावुन ई-पास उपकरणाद्वारे रास्तभाव दुकानदार यांच्यामार्फत आपले शिधापत्रिकेतील लाभार्थ्यांच्या आधार कार्ड व मोबाईल क्रमांकाचे सिडींग करण्यात यावे, असे जिल्हा पुरवठा अधिकारी गडचिरोली यांनी कळविले आहे.
***
