*जि.प. हायस्कूल एटापल्ली येथील संतोष सिडाम (स. शि.) यांना निरोप समारंभ*
संतोष भाऊराव सिडाम यांनी जि.प. हायस्कूल एटापल्ली येथे सहाय्यक शिक्षक या पदावर मागील वीस वर्ष सेवा पूर्ण केली आहे. यांची जि प हायस्कूल घोट येथे पर्यवेक्षक या पदावर पदोन्नती झाल्याने आज दिनांक ०१/०१/२०२४ रोज सोमवार ला कार्यमुक्त करण्यात आले आणि निरोप समारंभ आयोजित करून निरोप देण्यात आला. या प्रसंगी कार्यक्रमाचे अध्यक्ष प्राचार्य विनय चव्हाण यांचे हस्ते शाल व श्रीफळ देऊन त्यांचा सत्कार करण्यात आला. विद्यालयाचे प्राचार्य तसेच सर्व शिक्षक वृंद यांनी श्री सिडाम यांना उज्वल भविष्या साठी शुभेच्छा दिल्या. तसेच समस्त विद्यार्थ्यांनी त्यांना अश्रू नयनांनी निरोप दिला. कार्यक्रमाचे सूत्रसंचालन आर.यु. जांभोरे यांनी केले आणि कु. छाया श्रीरामे यांनी मनोगत व्यक्त केले. तर आभार प्रदर्शन प्रा.जी जे आत्राम यांनी केले.