*एस.एम.देशमुख वेल कम टु होम*
– *लंडन दौरा; मराठी पत्रकार परिषदेच्या वतीने यथोचित सत्कार*
वडवणी/प्रतिनिधी
मराठी पत्रकार परिषदेचे मुख्य विश्वस्त एस एम देशमुख हे गत तीन महिन्यांपूर्वी लंडन दौऱ्यावर गेले होते. ते मायदेशी परतल्यानंतर आपल्या देवडी गावी आले आहेत. वडवणी तालुका मराठी पत्रकार परिषदेच्या वतीने त्यांचं फटाक्यांच्या आतिषबाजीत स्वागत करत यथोचित सत्कार करण्यात आला.
याबाबत अधिक वृत्त असे की
मराठी पत्रकार परिषदेचे मुख्य विश्वस्त एस एम देशमुख हे गत तीन महिन्यांपूर्वी लंडन दौऱ्यावर गेले होते. ते मायदेशी परतल्यानंतर आपल्या देवडी गावी आले असल्याची माहिती मिळताच वडवणी तालुका मराठी पत्रकार परिषदेच्या वतीने विठ्ठल रुक्मिणी मंदिर प्रांगणात एका खास कार्यक्रमाचे आयोजन करण्यात आले होते. या कार्यक्रमात श्री.एस.एम.देशमुख यांचं फटाक्यांच्या आतिषबाजीत स्वागत करत यथोचित सत्कार करण्यात आला. या वेळी श्री.एस.एम. देशमुख यांनी लंडन मधील आश्चर्यकारक माहिती देत गत तीन महिन्यांत ज्या ठिकाणी त्यांनी भेटी दिल्या तेथील अनुभव शेअर केला. जवळपास दोन ते अडीच तास या मस्त पैकी गप्पा रंगल्या होत्या. भाजप नेते सोमनाथराव बडे, जेष्ठ पत्रकार सुभाषराव वाव्हळ यांच्या सह उपस्थित पत्रकारांनी लंडन मधील आपल्या मनात असतील ते प्रश्न मांडले. श्री.एस.एम.
देशमुख यांनी या महत्वपूर्ण प्रश्नांची उत्तरे देत तेथील अनुभव सर्वांबरोबर शेअर केला. या कार्यक्रमाला भाजपचे नेते सोमनाथराव बडे, जेष्ठ नेते विश्वनाथ झाटे, भाजप चे माजी तालुकाध्यक्ष मच्छिंद्र झाटे, माजी सरपंच विश्वास आगे, जेष्ठ पत्रकार सुभाषराव वाव्हळ,डिजिटल मिडिया परिषदेचे राज्य कार्याध्यक्ष अनिल वाघमारे, मराठी पत्रकार परिषदेचे वडवणी तालुका अध्यक्ष पत्रकार विनायक जाधव, माजी अध्यक्ष पत्रकार सुधाकर पोटभरे, सरचिटणीस पत्रकार सतिश सोनवणे, पत्रकार महेश सदरे,एमडीएलचे संपादक ओमप्रकाश साबळे, पत्रकार धम्मपाल डावरे, पत्रकार वाजेद पठाण, पत्रकार संभाजी लांडे सह गावकरी व स्नेही मंडळी उपस्थित होते.