*पोलीस व होमगार्ड विभागाच्या कर्मचाऱ्यांचे उत्साहात मतदान*
गडचिरोली १३: जिल्ह्यात ६७- आरमोरी, ६८-गडचिरोली आणि ६९-अहेरी या तीनही विधानसभा मतदारसंघात सोमवार दिनांक ११ ते बुधवार दिनांक १३ नोव्हेंबर या कालावधीत सकाळी ९ ते सायंकाळी ५ वाजेपर्यंत पोलीस विभागाच्या कर्मचाऱ्यांचे टपाली मतदान उत्साहपूर्ण वातावरणात पार पडले.
आरमोरी मतदार संघात 162 पैकी 158 पोलिस कर्मचाऱ्यांनी तर 175 पैकी 158 होमगार्ड कर्मचाऱ्यांनी मतदान केले. एकूण 337 पैकी 316 कर्मचाऱ्यांचे मतदान झाले आहे.
गडचिरोली मतदार संघात 1324 पैकी 1136 पोलिस कर्मचाऱ्यांनी तर 147 पैकी 50 होमगार्ड कर्मचाऱ्यांनी मतदान केले. एकूण 1471 पैकी 1186 कर्मचाऱ्यांचे मतदान झाले आहे.
अहेरी मतदार संघात 1806 पैकी 1206 पोलिस कर्मचाऱ्यांनी मतदान केले. होमगार्ड कर्मचाऱ्यांचे मतदान 18 व 19 नोव्हेंबर रोजी होणार आहे.
000