_*डॉ.मिलिंद नरोटे यांनी तळोधी येथे घेतला छत्रपती शिवाजी महाराज श्री संत शिरोमणी जगनाडे महाराजांचा आशिर्वाद*_
– *भव्य रॅली काढून कॉर्नर सभेच्या माध्यमातून प्रचार*
–
–
📍 *गडचिरोली.*
📅 १६ नोव्हेंबर २०२४
📰. महायुतीच्या सरकारने गडचिरोली विधानसभा क्षेत्रातील शेतकरी, युवक, महिला, गोर-गरीब मायबाप जनता आदींचा विकास करण्याचा प्रयत्न केलेला आहे. महायुतीच्या सरकारला राज्यात पुन्हा एकदा संधी द्या, गडचिरोली विधानसभा क्षेत्रा सिंचन सुविधेचा विकास करणार व जनतेचा सर्वांगीण विकास करणार, युवकांना रोजगार निर्मिती करणार, मोदी आवास योजनेच्या माध्यमातून बेघर असलेल्या नागरिकांना घरकुल देण्यात येणार, शिक्षण क्षेत्रात दर्जात्मक सुविधा निर्माण करणार, असे प्रतिपादन महायुतीचे तडफदार गडचिरोली विधानसभा क्षेत्राचे उमेदवार डॉ.मिलिंद नरोटे यांनी केले.
चामोर्शी तालुक्यातील तळोधी येथे डॉ.मिलिंद नरोटे यांनी छत्रपती शिवाजी महाराज यांचे आशिर्वाद घेवून भव्य जनआशिर्वाद रैली काढण्यात आली. यावेळी महायुतीचे पदाधिकारी व कार्यकर्ते मोठ्या संख्येने उपस्थित होते. रॅली नंतर कॉर्नर सभेचे आयोजन करण्यात आले. मंचावर तेलंगाणा राज्यातील सिरपूर से आमदार डॉ.हरीष पडावी, माजी आमदार विजयपाल रेड्डी, बस्तरचे प्रभारी जी.व्यंकट, नामेदवजी छगन, डॉ.मिलिंद नरोटे, आनंद भांडेकर, उमेश कुकडे आदी उपस्थित होते.
कॉर्नर सभेच्या माध्यमातून नागरिकांना विविध योजनांची माहिती दिली व गावाच्या विकासासाठी महायुती व भाजपाचे सरकार सर्वतोपरी प्रयत्न करणार असे आश्वासन मंचावर उपस्थित मान्यवरांनी दिले. तळोधी येथील भव्य रैलीला व कॉर्नर सभेला महायुती व भाजपाचे पदाधिकारी, कार्यकर्ते व नागरिकांची मोठ्या संख्येने उपस्थिती होती.