*जिल्ह्यातील विधानसभा निवडणुक यशस्वीपणे राबविनाऱ्या जिल्हाधिकाऱ्यांचे डॉक्टर देवरावजी होळी यांनी केले अभिनंदन*
*मेडिकल कॉलेज, जिल्हा स्टेडियम व मार्कंडेश्वराच्या कामांची प्राधान्याने लक्ष देण्याची केलेली विनंती.*
*दिनांक ३ डिसेंबर गडचिरोली*
*गडचिरोली जिल्ह्यातील आरमोरी, गडचिरोली व अहेरी विधानसभा क्षेत्रातील विधानसभा निवडणुका शांततेत पार पडल्या. करिता या निवडणुका यशस्वीपणे राबविणारे गडचिरोलीचे जिल्हाधिकारी संजयजी दैने यांचे गडचिरोली विधानसभा क्षेत्राचे माजी आमदार तथा भारतीय जनता पार्टी महाराष्ट्र प्रदेशाचे उपाध्यक्ष डॉक्टर देवरावजी होळी यांनी पुष्पगुच्छ देऊन त्यांचे अभिनंदन केले.*
*जिल्हाधिकारी कार्यालय गडचिरोली येथे झालेल्या या भेटीदरम्यान आमदार डॉक्टर देवरावजी होळी यांनी गडचिरोली येथे नव्याने प्रवेश प्रक्रिया होणाऱ्या शासकीय वैद्यकीय महाविद्यालयाच्या अडलेल्या कामांना सहकार्य करण्याची विनंती केली. त्याचबरोबर गडचिरोली येथील जिल्हा स्टेडियमचे टप्पा २ बांधकाम लवकरात लवकर कसे सुरु करता येईल या संदर्भात विशेष लक्ष देण्याबाबत सूचना केली. तसेच मार्कंडा देवस्थान विकासासाठी आणलेल्या शंभर कोटी रुपयांच्या कामांची सुरुवात लवकरात लवकर करावी व मार्कंडेेश्वर मंदिराच्या जीर्णोद्धाराकडेही लक्ष द्यावे अशी विनंती त्यांनी या भेटीच्या प्रसंगी केली.*