पोस्टे देसाईगंज येथील विविध दारुच्या गुन्ह्रातील एकुण 61,77,330/- रुपयांचा जप्त मुद्देमाल पोलीसांनी केला नष्ट
* एकुण 520 गुन्ह्रांमधील मुद्देमाल करण्यात आला नष्ट
गडचिरोली जिल्ह्रात दारुबंदी असताना अवैधरीत्या दारुची वाहतुक केली जाते. त्याअनुषंगाने पोलीस अधीक्षक, गडचिरोली श्री. नीलोत्पल यांचे आदेशान्वये जिल्ह्रातील अवैध दारु विक्री करणायांवर कठोर कार्यवाही केली जात असते. त्याअनुसार विविध पोस्टे येथे दाखल गुन्ह्रांमध्ये जप्त मुद्देमाल हा नाशवंत असल्याने तसेच नवीन कारवार्इंदरम्यान देखील मुद्देमाल जप्त होत असल्याने जागे अभावी दीर्घकाळापासून प्रलंबित मुद्देमाल जतन करुन ठेवणे अडचणीचे ठरत असते. यावरुन पोस्टे देसाईगंज येथील सन 2018 ते 2024 या कालावधीतील दाखल एकुण 520 गुन्हयांमधील महाराष्ट्र दारुबंदी कायद्यान्वये जप्त करण्यात आलेला मुद्देमाल दिनांक 28/03/2025 रोजी नष्ट करण्यात आला.
सविस्तर वृत्त असे आहे की, मा. न्यायालय व अधीक्षक, राज्य उत्पादन शुल्क, गडचिरोली यांचे परवानगीने दिनांक 28/03/2025 रोजी पोस्टे देसाईगंजचे पोलीस निरीक्षक श्री. अजय जगताप यांनी राज्य उत्पादक शुल्क, गडचिरोली विभागाचे दुय्यम निरीक्षक श्री. चंदन भगत व शु. के. चौधरी यांच्यासह पोस्टे देसाईगंज हद्दीतील विविध दारुबंदी गुन्ह्रांतील जप्त मुद्येमाल नष्ट केला. ज्यात 1) विदेशी दारुच्या 180 मिलीच्या 2666 बॉटल 2) विदेशी दारुच्या 2 लिटर क्षमतेची 1 बॉटल 3) विदेशी दारुच्या 1000 मिलीच्या 6 बॉटल 4) विदेशी दारुच्या 90 मीली मापाच्या 62 बॉटल 5) विदेशी दारुच्या 375 मीली मापाच्या 7 बॉटल 6) देशी दारुच्या 180 मिलीच्या 28 बॉटल 7) देशी दारुच्या 90 मिलीच्या 101015 बॉटल 8) 650 मिली बिअरच्या 29 बॉटल 9) 500 मिली मापाचे बियरचे 245 टिनाचे कॅन 10) 330 मिली मापाचे बियरचे 48 बॉटल याप्रमाणे एकुण 61,77,330/- (अक्षरी:- एकसष्ठ लाख सत्याहत्तर हजार तीनशे तीस) रुपयांचा मुद्देमाल दोन पंचासमक्ष जेसीबिच्या सहाय्याने 15 न् 15 फुटाचा खोल खड्डा खोदून रोड रोलरच्या सहाय्याने कडक व मुरमाड जागेवरती मुद्देमाल पसरवून काचेच्या व प्लास्टीकच्या बॉटलांचा चुरा करण्यात आला त्यानंतर काचेचा चुरा व प्लास्टीकच्या चेपलेल्या बॉटल जेसीबीच्या सहाय्याने खड¬ात टाकून खड्डा पुर्ववत बुजविण्यात आला. सदर मुद्येमालाची विल्हेवाट लावताना पर्यावरणाची हानी होणार नाही याची पुर्णपणे दक्षता घेण्यात आली.
सदरची कारवाई पोलीस अधीक्षक गडचिरोली श्री. नीलोत्पल, अपर पोलीस अधीक्षक (अभियान) श्री. यतिश देशमुख, अपर पोलीस अधीक्षक (प्रशासन) श्री. एम. रमेश तसेच उपविभागीय पोलीस अधिकारी, कुरखेडा श्री. रविंद्र भोसले यांचे मार्गदर्शनाखाली पोस्टे देसाईगंज येथील प्रभारी अधिकारी पोनि. अजय जगताप, सपोनि. प्रेमकुमार दांडेकर, श्रेणीपोउपनि. दुर्योधन सरपे, पोअं/शैलेश तोरकपवार, पुंडलीक मानकर, सतीश बैलमारे यांनी पार पाडली.