*जिल्हास्तरीय मोफत क्रीडा प्रशिक्षण शिबीर 26 एप्रिलपासून*
गडचिरोली, दि. 24 (जिमाका): जिल्हा क्रीडा अधिकारी कार्यालय व जिल्हा क्रीडा परिषद गडचिरोली यांच्या संयुक्त विद्यमाने जिल्ह्यातील क्रीडा क्षेत्राचा प्रचार व प्रसार व्हावा तसेच नवोदित खेळाडूंमध्ये क्रीडाविषयक आवड निर्माण व्हावी या उद्देशाने 26 एप्रिल 2025 ते 2 मे 2025 या कालावधीत जिल्हा क्रीडा संकुल, कॉम्प्लेक्स एरिया, गडचिरोली येथे जिल्हास्तरीय मोफत क्रीडा प्रशिक्षण शिबीराचे आयोजन करण्यात आले आहे.
या शिबीरात कुस्ती, व्हॉलीबॉल, कबड्डी, खो-खो आणि बॉक्सिंग या खेळांचा समावेश असून, सकाळी 6.00 ते 8.30 व सायंकाळी 5.00 ते 7.00 या वेळेत अनुभवी क्रीडा मार्गदर्शक व प्रशिक्षकांकडून प्रशिक्षण दिले जाणार आहे.
शिबीरात सहभागी होऊ इच्छिणाऱ्या खेळाडूंनी शिबीर सुरू होण्यापूर्वी जिल्हा क्रीडा अधिकारी कार्यालय, गडचिरोली येथे आपली नावनोंदणी करणे आवश्यक आहे.
या शिबीराचा लाभ घेण्यासाठी जिल्ह्यातील विद्यार्थी व खेळाडूंनी मोठ्या संख्येने सहभागी व्हावे, असे आवाहन जिल्हा क्रीडा अधिकारी यांनी केले आहे.