आष्टी येथे मिनी6 ट्रकच्या धडकेत
पोलीस शिपाई गंभीर जखमी
गडचिरोली –
चामोर्शी तालुक्यातील आष्टी येथे रविवारी 12 एप्रिल च्या मध्यरात्री गोंडपीपरी कडून आलापल्ली येथे जाणाऱ्या मिनी ट्रकने वनविभागाच्या तपासणी नाक्याजवळ पोलीस शिपायास जबर धडक दिली यात ड्युटीवर हे असलेले पोलीस शिपाई गजानन ठाकूर वय 37 वर्ष गंभीर जखमी झाले.
सविस्तर वृत्त असे की,दिनांक 12 एप्रिल रोजी चंद्रपूर गडचिरोली जिल्ह्यच्या सीमेला लागून असलेल्या वनविभागाच्या तपासणी नाक्याजवळ आष्टी पोलीस स्टेशनचे पोलीस कर्मचारी नाकेबंदी साठी ड्युटीवर असताना गोंडपीपरी कडून आलापल्ली कडे भरधाव वेगाने येणारे वाहन क्रमांक TS05 UD 2757 या वाहनाने त्या ठिकाणी लावून असलेल्या बॅरिकेड्स ला जोरदार धडक दिली यात बॅरिकेड्स जवळ उभे असेलेले पोलीस शिपाई गजानन ठाकूर यांच्या अंगावरून गेल्याने त्यांच्या हात, पाय व कंबरेखाली गंभीर दुखापत झाली.त्यांना त्वरित इतर ड्युटीवर असलेल्या पोलीस कर्मचाऱ्यांनी आष्टी येथील सामान्य रुग्णालयात भरती केले.त्यांची प्रकृती गंभीर असल्याने त्यांना पुढील उपचारासाठी नागपूरला हलविण्यात आले.
सदर वाहन वाहन परवाना नसलेल्या अल्पवयीन वाहनचालक चालवीत होता. शिवा हरिबाबू मल्लाडी वय 17 वर्ष रा अश्वराव पेठा जि बद्रादि कोत्तागुडम तेलंगाणा याच्यावर व वाहनाच्या मुख्य वाहन चालक असलेल्या रविकुमार नटराज बसवा रा. अश्वरावपेठा यांच्यावर गुन्हा दाखल करण्यात आला.या घटनेचा पुढील तपास आष्टी पोलीस करीत आहे.
