गडचिरोली, (जिमाका) दि.03 :- कोरोना संक्रमण रोगाचा प्रभाव पाहता, यावर्षी सुध्दा खबरदारीचा उपाय म्हणून दिनांक 6 डिसेंबर, 2021 रोजी परमपूज्य डॉ. बाबासाहेब आंबेडकर यांच्या 65 व्या महापरिनिर्वाण दिनानिमित्य चैत्यभूमी,दादर, मुंबई येथे आयोजित करण्यात आलेल्या कार्यक्रमाच्या अनुषंगाने परिपत्रका अन्वये मार्गदर्शक सूचना निर्गमित करण्यात आलेल्या आहेत.
त्यानुसार शासन परिपत्रकाद्वारे महापरिनिर्वाण दिनानिमित्त चैत्यभूमी, दादर, मुंबई येथील कार्यक्रमाचे दुरदर्शनवरुन थेट प्रक्षेपण करण्यात येणार असल्याने सर्व अनुयायांनी चैत्यभूमी, दादर, मुंबई येथे न येता घरी राहुनच परमपूज्य डॉ. बाबासाहेब आंबेडकर यांना अभिवादन करावे असे प्रशासनाद्वारे कळविले आहे. महापरिनिर्वाण दिनानिमित्त सविस्तर मार्गदर्शक सूचना शासनाकडून परिपत्रकाद्वारे जाहीर करण्यात आले आहेत त्याचे पालन सर्व अनुयायांनी करावे असे आवाहन करण्यात आले आहे.
