*वर्धा येथे सनातन संस्थेतर्फे हिंदू एकता दिंडीचे आयोजन !*
*वर्धा-* सनातन संस्थेचे संस्थापक परात्पर गुरु डॉ. जयंत आठवले यांच्या ८१ व्या जन्मोत्सवानिमित्त संस्थेतर्फे हिंदु राष्ट्राच्या प्रबोधनासाठी ‘हिंदु राष्ट्र जागृती अभियान’ राबविण्यात येत आहे. या अभियानांतर्गत सनातन संस्थेतर्फे 20 मे 2023 शनिवार या दिवशी श्री संतोषी माता मंदिर,शिवाजी चौक जवळ,आर्वी रोड वर्धा पासून दुपारी चार वाजता ‘हिंदू एकता दिंडी’ काढण्यात येत आहे. या दिंडीत विविध हिंदुत्ववादी संघटना, सामाजिक संघटना, संप्रदाय, हिंदू बांधव मोठ्या संख्येने सहभागी होणार आहेत.
आज हिंदू एकतेची गरज निर्माण झाली आहे. जात, प्रांत, पंथ आणि भाषेच्या आधारावर हिंदू धर्मीयांमध्ये फूट पाडण्याचे प्रयत्न सुरू आहेत. या पार्श्‍वभूमीवर हिंदू बांधवांनी हिंदू एकतेची विशालता दाखवून संघटित होणे गरजेचे आहे. भारतीय संस्कृतीची झलक देणारा संस्थेचा संदेश देणार्‍या या ‘हिंदू एकता दिंडी’मध्ये मोठ्या संख्येने सहभागी व्हावे, असे आवाहन सनातन संस्थेतर्फे करण्यात आले आहे.
हिंदु राष्ट्र जागृती अभियानांतर्गत गेल्या महिनाभरापासून वर्धेसह देशभरात विविध ठिकाणी मंदिर स्वच्छता, हिंदु राष्ट्राच्या स्थापनेसाठी देवतांना सामूहिक प्रार्थना, अध्यात्मिक प्रवचनांचे आयोजन आदी उपक्रमही राबविण्यात येत आहेत. हिंदू एकता यात्रेत सहभागी होणारे हिंदू पारंपरिक पोशाख परिधान करून जप करताना परंपरेचे दर्शन देणार आहेत. या फेरीत राष्ट्रपुरुष, क्रांतिकारक, पराक्रमी हिंदू राजे आदींच्या महान कार्याबद्दल उद्बोधन होणार आहे.
*हिंदू एकता दिंडीचा मार्ग पुढीलप्रमाणे आहे* :- (प्रारंभ) श्री संतोषी माता मंदिर,शिवाजी चौक जवळ,आर्वी रोड, बढे चौक, श्री देवी अष्टभुजा चौक, पावडे नर्सिंग चौक, शिवाजी चौक (शेवट)
आपली नम्र
*श्रीमती विभा चौधरी*
सनातन संस्था
*संपर्क* – 7620831487
